2025 с. балаҕан ыйын 30 күнүгэр Тулагы - Киллэм нэһилиэгэр үөрүүлээх, историяҕа киирэр бэлиэ түгэн буолан ааста! Ол курдук, Афанасий Яковлевич Уваровскай аатынан Тулагытааҕы библиотекаҕа Аллея уонна бэртээхэй, аныгы көстүүлээх арт-объект арылынна.
Нэһилиэк олохтоохторун көмөтүнэн, улахан хамаанда үлэлээн, А.Я.Уваровскай аатынан библиотека коллектива (сэбиэдиссэй Филиппова А.В.) «Народный бюджет» бырайыакка кыттан, кыайан, бу сиэдэрэй көстүүлээх өйдөбүнньүк турда.
Биллэрин курдук Афанасий Уваровскай быйыл 225 сылын көрсө үгүс тэрээһиннэр ыытылыннылар. Аллея оҥоруута эмиэ бу иһинэн киирсэр. Биллэн турар, бу бырайыак үлэҕэ киирэригэр үгүс киһи үлэлээтэ, үлэлэстэ. Ол курдук, нэһилиэкпит аҕа баһылыга Попов Е.Г., специалииһа Захарова А.И.; бэйэбит библиотекабыт ситимин салайааччыта Решетникова Н.П., методистар Барашкова А.И., Павлова Н.В., Охлопкова К.В., куруук өйүүр, көмөлөһөр, биһиги уокурук депутата Оконешников Я.Т.
Күүстээхтик ылсыһан, дьоҕурдарын көрдөрөн үлэлэстилэр: Чириков И.В.- арт-объект эскиз оҥоруутугар куонкурус кыайыылааҕа, арт-объегы оҥорбут «Туймаада» рекламно - производственнай хампанньа, объект турар конструкциятын бөҕө- таҕа гынан тиит мастан оҥорон таһаарда - Шадрин Р.Г.
Улахан махтал бар дьоммутугар, ааҕааччыларбытыгар, эһиги бырайыак үлэҕэ киирэригэр, тирэх буолар көрдөһүү сурукка илии баттаан, үөрдэн, күүс-көмө буоллугут!
Үгүс үлэни көрсүбүт, бириэмэлэрин да аахсыбакка үтүө санаалаах эр дьоммут, Тулагы - Киллэм нэһилиэгин Аҕа сүбэтин Чириков А.В. салайааччылаах активнай чилиэннэрэ, общественниктар Ибрагимов И.Г.-о., Атласов А.В., Тирютин В.Д., Макаров Р.Е., Борисов Е.А., Сыроватскай М.С., Егоров П.П., Владимиров Е.А.
Ветераннар сэбиэттэрэ (салайааччы Федотова Л.С.), нэһилиэкпит уопсастыбатыгар, (салайааччы - Иванова И. С.), Зотова В.Б., Шарина С.П., Уваровская И.В., Уваровская В.Е., Ларионов А.Ю. уонна Уваровскайдар дьиэ - кэргэҥҥэ. Ону таһынан Тулагы - Киллэм нэһилиэгин Дьахтар сэбиэтэ (бэрэссэдээтэл Чирикова В.Ю.)
Култуурабыт үлэһиттэригэр: (директор - Игнатьев М.П.), Илларионова Л.К., Дмитриева Л.В., Дягилева В.Г., Тумусова А.П., Тулагы агрооскуола (директор Андросов Д.В.), оҕо уһуйаннара – «Кэнчээри» (сэбиэдиссэй Илларионова Ю.С.), «Айылгы» (сэбиэдиссэй Тимофеева С.А.), ону тэҥэ Саха иһитиннэрэр - көрдөрөр хампанньа (генеральнай директор Марков О.О.).
Бэйэлэрин кылааттарын киллэрбит, күүс - көмө буолбут, сүбэ - ама биэрбит дьоммутугар улахан махталбытын биллэрэбит. Эһиги баар буолаҥҥыт бу үйэлэргэ ахтыллар, кэлэр кэнчээри ыччаппытыгар хаалар өйдөбүнньүк буолар.
Чуолаан барҕа махталбытын тиэрдэбит Аллея аһыллыытын киэргэппит дьоммутугар: Федорова Л.Д. салайааччылаах «Алгыс» ансамбылга, чуор куоластаах 2 «б» кылаас оҕолоругар, кылаас салайааччыта Дьячковская Л.Г., Шадрина А.Р. бэйэтин үтүө санаатынан акация, малина мастарын аҕалан бэлэх уунна, Тулагытааҕы култуура киинин үлэһитигэр Зацепин Михаилга (салайааччы Игнатьев М.П.).
Нэһилиэкпит өссө биир дириҥ историческай суолталаах өйдөбүнньүктэннэ, үйэлэргэ умнуллубат, кэлэр ыччакка сыаналаммат күндү бэлэх буолла!
