Олунньу 27 күнүгэр, сааскы маҥнайгы бырааһынньыктарга аналлаах көрсүһүүгэ саха эстрадатын маанылаах куолаһа – Милена Борисова ыалдьыттаата. Тэрээһин олус истиҥ, чэбдик доҕуһуоллаах ааста. Кэпсэтиини иилээн-саҕалаан ыыппыта - Умсулҕан Хотун. Кини толкуйдаабыт ыйытыылара Миленаны кытта истиҥ диалог төрүттээтилэр, залга олорор дьон интириэһин тартылар.
Ыалдьыппыт ылбаҕай ырыаларын уонна олоххо сыһыанын туһунан кэпсээтэ уонна эстрадаҕа үлэтин, айар суолун, инники былааннарын үллэһиннэ. Көрөөччүлэр биир тылынан ырыаһыт аһаҕас дууһатын, ыраас санаатын бэлиэтээтилэр. Кэпсэтии устата хас да ырыатын толордо, кини куолаһа киэргэл бараммат иэйиини, долгуну уһугуннарда. Тэрээһин тиэтэлэ суох, дьиэ кэргэннии эйэҕэстик ааста, олорон иһиттибит, кэпсэттибит, санаа атастастыбыт.
Тэрээһин бүтүүтэ Сайсаар уокуругун салайааччытын солбуйааччыта - Антонина Гаврильевна Шадрина махтал сурук туттарда, бибилэтиэкэ аатыттан күндү ыалдьыппытыгар сибэкки дьөрбөтүн бэлэх ууннубут. Кэлэр көрсүһүүлэргэ диэри!
Ыстатыйаны бэлэмнээтэ: Айталина Другина
