Новости клуба | Дорҕоон күүһэ

Атырдьах ыйын 18 күнүгэр "Сэргэх сэһэргэһии" түмсүү кыттыылаахтарыгар этнокультуролог идэлээх, саха төрүт култууратын тарҕатааччы, өбүгэ үгэһин утумнааччы Наталия Сивцева "Дорҕоон күүһэ" маастар кылаас ыытта. 
         Маастар кылааска айылҕа биэрбит таба тыыныытын туһанан, эти-сиини хамсатан, сахалыы төрүт дорҕооннору көтүтүү туһунан билиһиннэрдэ. Кылыһах диэн тугун, арааһын, толоруу ньыматын кэпсээтэ. Онон, мустубут дьон таба тыынан, ырыа ыллаан, тойук туойан холонон көрдүлэр, хомус дьүрүскэн тыаһынан ыраастаннылар.