Олунньу 13 күнэ Саха Сиригэр Төрөөбүт тыл уонна сурук-бичик күнүн быhыытынан бэлиэтэнэр. Саха Ѳрѳспүүбүлүкэтин бастакы Бэрэсидьиэнэ Михаил Ефимович Николаев «Төрөөбүт тыл уонна сурук-бичик күнүн биллэрэр туhунан» Ыйааҕа 1996 сыллаахха олунньу 9 күнүгэр тахсыбыта.
Бу бэлиэ күн маассабай саха алфавитын тѳрүттээбит саха бастакы лингвист-учуонайа, саха тылынан тахсыбыт бастакы учуобунньуктар ааптардара, тѳрѳѳбүт сахатын тылын чинчийиигэ, сайыннарыыга олоҕун анаабыт уопсастыбаннай диэйэтэл, лингвист-учуонай Семен Андреевич Новгородов тѳрѳѳбүт күнүгэр сѳп түбэhиннэриллибитэ.
Семен Андреевич Новгородов кылгас да буоллар, олус чаҕылхай олоҕу олорон ааспыта. Учуонай-лингвист, уhулуччулаах сырдатааччы быhыытынан тапталлаах Сахатын Сирэ сайдарыгар тугунан да кэмнэммэт сүдү кылаатын киллэрбитэ диэн бука бары билэбит.
Кыраайы үөрэтэр бибилэтиэкэ төрөөбүт тыл уонна сурук-бичик күнүн чэрчитинэн «Ийэ тыл илгэтэ, төрүт тыл төлкөтө» диэн виртуальнай выстапканы бэлэмнээтэ.
Виртуальная выставка
Ыстатыйаны бэлэмнээтэ: Нюргуяна Ефремова
