Чөл олоҕу киэҥ маассаҕа тарҕатыы Ил Дархан укааһын чэрчитинэн В.Г. Белинскэй аатынан Кыраайы үөрэтэр бибилэтиэкэҕэ «Уйгулаах Ас» барыл ааптара Виктория Петрованы кытта ааҕааччылар көрсүһүүлэрэ буолан ааста.
Виктория Петрова төрүт саха аһын өрө тутар, дойдубутугар үүнэр оттору, үүнээйилэри аспытыгар таба туһанарга, аһыыр аска болҕомтону уурарга үөрэтэр, ол туһунан кэпсиир уонна тарҕатар айылҕаттан, өбүгэлэриттэн энньэлэтэн кэлбит эдэр киһи.
Кини Аар айылҕа эмтиир күүһүн биэрбит үүнээйилэрин хайдах хомуйан, харайан, аска туттан, доруобуйабытын, турукпутун хайдах бөҕөргөтүөххэ, күүүһүрдүөххэ сөбүн туһунан хатарбыт үүнээйиилэрин көрдөрөн туран кэпсээтэ, сүбэ-ама биэрдэ. Ону таһынан бэс иннэтиттэн чэйинэн, Амма бурдугуттан үөрэ оттоох саха лэппиэскэтинэн кыттааччылары күндүлээтэ. Хатардыллыбыт бэс сутукатын амсатан, бары олус биһирээтибит.
Айылҕаҕа ыалдьыт буоларбыт быһыытынан, кинини кытта дорооболоһон, бэйэҕин билсиһиннэрэн, киниттэн көҥүллэтэн, хойуу гына үүммүт сиртэн эрэ хомуйарбытын бигэргэтэн эттэ.
Бибилэтиэкэҕэ баар эмтээх оттор, саха төрүт аһын туһунан үгүс кинигэлэри дьон сэргээн көрдө.
Ааҕааччыылар астынан, маннык көрсүһүүлэри бибилэтиэкэ тэрийэ турдун диэн баҕа санааларын этэн, тарҕастылар.
