Төрөөбүт тылынан кинигэтэ ааҕыҥ – норуоппут баай култууратын билиҥ!
В. Г. Белинскай аатынан Кыраайы үөрэтэр бибилэтиэкэ эһиги болҕомтоҕутугар «Төрөөбүт тыл эйгэтигэр» диэн кинигэ долбуурун сүбэлиир.
Манна сахалыы тылынан суруллубут 20 араас кинигэ түмүлүннэ. Бу кинигэлэр саха норуотун историятын, култууратын, итэҕэлин, үгэстэрин, өйүн-санаатын уонна төрүт үөрэҕин билиһиннэрэллэр.
Ол иһигэр историческай романнар, уус-уран айымньылар, кэпсээннэр, үһүйээннэр, ахтыылар уонна билиҥҥи суруйааччылар айымньылара киирдилэр.
Хас биирдии кинигэ – төрөөбүт тылбытын, өбүгэлэрбит үгэстэрин, норуоппут историятын уонна духуобунай баайын билиигэ саҥа суол буолар.
Сэҥээрбит кинигэҕитин бибилэтиэкэҕэ сакаастыаххытын, ЛитРес электроннай бибилэтиэкэ нөҥүө ааҕыаххытын сөп.
