Подкаст | Сахалыы саҥарар иһин...
Размер шрифта:
Цвета сайта:
Шрифт:
Изображения:
Интервал между буквами (Кернинг):
Интервал между строками (Интерлиньяж):
Кнопка действия
Подкаст | Сахалыы саҥарар иһин...
Другое
22.06.2022

Подкаст | Сахалыы саҥарар иһин...

Просмотры: 1613

Бүгүн бэс ыйын 22 күнэ. Күммүт чаҕылыччы тыгара үчүгэйин, куйаас да куйаас! Онтон 1941 сыллаахха бу күн Аҕа дойду сэриитэ саҕаламмыта. Хомойуох иһин кэм-кэрдии ааһан истэҕин аайы бу сэрии алдьархайа история эрэ буолан иһэр курдук. 
Сэрии сылларыгар Сахабыт сириттэн 63 тыһыынча кэриҥэ киһи ыҥырыллыбыта, онтон 38145 саллаат сэрии толоонугар букатынныы хаалбыттара. Тыылга сэрии ыар сылларыгар 82000 кэриҥэ киһи суорума суолламмыта. Бу сэриигэ чугас киһитин сүтэрбэтэх диэн суох. Эбээлэрбит, эһээлэрбит, эдьиийдэрбит, убайдарбыт биһиги эйэлээх олоххо олорорбут, көҥүллүк тыынарбыт туһугар толук уурбут олохторун, хас биирдиилэрин умнуо суохтаахпыт уонна саамай сүрүнэ - кэлэр кэнэҕэски ыччаппытыгар тиэрдиэхтээхпит.
Бүгүҥҥү "Оҕолор ааҕаллар" кэрчикпитигэр төрөөбүт тылынан саҥарар төһөлөөх күндү буоларын туоһулуур айымньылары аахтыбыт. Ыраах атын сирдэргэ сылдьан эдэркээн саллаат уолаттар алҕас көрсө түһээт сахалыы саҥаран кэпсэппиттэрэ төһөлөөх күндү буоларын онно эрэ сылдьыбыт өйдүүрэ буолуо... 
В.Н. Потапова "Ийэ тыл", С.П.Данилов "Сахалыы саҥарар иһин", В.И.Босиков-Босяк "Мин күүстээхпин ийэ тылбынан" диэн айымньыларын долгуйа аахтыбыт. Төрөөбүт дойдуга таптал, дойду ахтылҕана, төрөөбүт тылгынан көҥүллүк саҥарыы туохтааҕар да күндү эбээт... 
Бүгүҥҥү таһаарыыбытын истэргитин ыҥырабыт.

Смотрите также