Үтүө күнүнэн, күндү ааҕааччыларбыт, күндү истээччилэрбит!
Биһиги “Созвездие” библиотекабыт иһинэн “Умка” диэн оҕолорго аналлаах кинигэ тыйаатыра үлэлиир. Быйыл хайысхабытын уларытан саҥа тыыннанан үлэлииргэ сананныбыт. Оҕолор саха суруйааччыларын айымньыларын эһиэхэ анаан ааҕыахтара. Хас эмэ үйэлэри муҥурдаан, тыыһынчанан сыллары уҥуордаан кэлбит төрөөбүт төрүт тылбытын кэнэҕэски кэлэр ыччаппытыгар тиэрдэр – бу биһиги ытык иэспит буолар.
Оҕолор баҕаран туран үөрүүнү кытта аахтылар. Кинилэр баҕаларын, кыһамньыларын биһиги өйүөх эрэ тустаахпыт. Бастакы холонуубутун долгуйа эһиги истиигитигэр таһаарабыт.
Таһаарыыны бэлэмнээтэ В.С.Ефимова-Вензель
