Күндү аҕа саастаах дьоммут!
Үксүгүт билэргит буолуо библиотека аана ааҕааччыларыгар тэниччи арыллан турар. Урукку кэмнэргэ курдук кэлэн бэйэҕит кинигэ, сурунаал талыаххытын сөп, ону таһынан муус устар 24 күнүгэр «Кэпсээ» кулууп барыгытын хоһоон ааҕааччылар күрэҕэр ыҥырар*
Күрэхпит туһунаан сиһилии кэпсээтэххэ маннык:
— хоһоон курэҕэ ананар ЯАССР 100 - сылыгар уонна саха норуотун чаҕылхай талааннаах суруйааччыта, сүдү ырыаһыта, үйэлэргэ өйтөн сүппэт дууһаны-санааны долгутар тыллаах народнай поэт Владимир Михайлович Новиков — Күннүк Уурастыырап төрөөбүтэ 115 – сылыгар
— 55 сааһыттан үөһээ саастаах дьон кыттара ирдэнэр
— кыттыы сүрүн усулуобуйата хоһоон талыытыгар сытар. Ол эбэтэр күрэххэ талыллыбыт хоһоон Владимир Михайлович Новиков — Күннүк Уурастыырап айар үлэтиттэн буолуохтаах
— нойосуус эбэтэр кинигэттэн ааҕыы көҥүллэнэр
— толоруу бэриэмэтэ 5 мүнүүтэттэн уһуо суохтаах
Хайдах, тугу сыаналаан кыайылаах аатын аныыгыт диэтэххитинэ маннык:
— тиэмэнэ сөпкө талыы
— дорҕоонноохтук,килбиэннээхтик ааҕыы
— айымньы ис хоһоонун тиэрдиитэ
Наҕараадабыт тугуй диэн ыйыталастаххытына маннык:
— кыайыылаахтарга I, II, III таһымнаах үрдэллэр
— хас биирдии кыттааччыга туоһу суруктар туттарыллыахтара
— биллэн туран санааҕыт көтөҕүллүө, тас-ис көрүҥҥүт тупсуо, ол эмиэ биһи тэрээһиммит наҕараадата буолар
— конкурсааннары дьүүллүөхтэрэ: Саха Өрөспүбүлүкэтин литературнай түмсүүлэрин «Иэйии», «Көҥүл Иэйии» аатырбыт хоһоонньуттара
Хаһан, ханна кэлэбит, кимтэн күрэх туһунан ыйыталаһабыт диэбиккит буолуо диэн эрэнэ суруйабыт:
— бастакытынаан туран муус устар 20 күнүгэр диэри сайаапка ыытаҕыт. Сайаапкаҕа толору ааккыт, төрөөбүт күнҥүт, төлөпүөнҥүт нүөмэрэ баар буолуохтаах. Сайаапкаҕытын mayak@cbsykt.ru аадырыска ытыаххытын сөп. Эбэтэр WhatsApp мессенджер нөҥүө 8 (924) 664-73-39 нүөмэргэ сайаапкаларгытын кэтэһэбит
— тэрээһиммит буолар сирэ «Маяк» библиотека. Аадырыспыт: Дьокуускай к., Маяковскай уул., 81
— муус устар 24 күнүгэр, сарсыарда 10 чаастан кэтэһэбит. Күрэхпит 11 чаастан саҕаланыа
— эбии ыйытыыларгытын барытын «Кэпсээ» кулууп салайааччытыттан Старкова Татьяна Петровнаттан ыйыталаһыаххытын сөп. Билсэр нүөмэргит
8 (924) 664-73-39
Кэлин, сэргээн, үөрүн-көтүн уонна Владимир Михайлович Новиков — Күннүк Уурастыырап аатын ааттатын!
*тэрээһиннэ кэлэргитигэр быһыыны ылбыккыт туһунан туоһулуур сертификат эбэтэр QR – код ирдэнэр. Көннөрү кинигэ, сурунаал улассарга QR – код ирдэммэт.
