Үтүө үлэ — ытык суол[12+]

Биһиги библиотекабытыгар саҥа тахсыбыт «Нафанаилов Гаврил Гаврильевич олоҕун суола» ахтыыларын хомуурунньуга сүрэхтэннэ. 

 
Бу кинигэ Нафанаилов Гаврил Гаврильевич, Уус-Алдан улууһун бочуоттаах олохтооҕо, уһун сылларга Суотту 19 №-дээх Орто профессиональнай училищетыгар учууталынан, дириэктэри үөрэх чааһыгар, прозводствоҕа солбуйааччынан үтүө суобастаахтык үлэлээбит кэмнэригэр, кэрэ, дьоһун олоҕун суолугар ананар. 

 
Гаврил Гаврильевич эрдэ 73 сааһыгар бу Орто дойдуттан барбыта, ол да буоллар, кини мэлдьи чугас дьонун сүрэҕэр, өйдөрүгэр-санааларыгар чөл буолан сылдьар, сырдык мөссүөнэ умнуллубат, үтүө үлэтэ-хамнаһа – тирэх уонна ытык суол.

Бу ахтыы хомуурунньук чуолаан кэлэр ыччаттарыгар, сиэннэригэр-хос сиэннэригэр, эһээлэрин туһунан дириҥник билэн, кини олоҕуттан үтүө холобур ылан улааталларын туһугар тахсыбыт. Кини үтүө дьыалалара, киһи быһыытынан уратыта, сырдык мөссүөнэ бу кинигэ сирэйдэриттэн тыыннаах хаалыаҕа.

Нафанаилов Гаврил Гаврильевич олоҕун тухары араас улуус суоппардарын суол быраабылатыгар үөрэтэн кэлбитин, Саха сирин араас сирдэринэн элбэхтэ айаннаабытын үгүс киһи билэр. Ол иһин кинигэ «Нафанаилов Гаврил Гаврильевич олоҕун суола» диэн сүрэхтэммит.  

Бу кинигэҕэ кэргэнин, оҕолорун, аймахтарын, бииргэ үөрэммит-үлэлээбит, алтыспыт дьонун ахтыылара хомуйуллан киирдилэр.

Кинигэ биэс түһүмэхтээх.  

Бастакы түһүмэх. Өтөх төнүргэстээх, уот кыымнаах. Манна дьиэ кэргэнин, аймахтарын ахтыылара киирдэ.  

Иккис түһүмэх. Ойор күннээх оҕо саас умнуллубат доҕотторо. Оҕо сааһын, бииргэ үөрэммит доҕотторун ахтыылара.  

Үһүс түһүмэх. Эдэр эрдэхтэн эҥэрдэһэн. Иркутскайга бииргэ үөрэммит доҕотторо.  

Төрдүс түһүмэх. Идэҕэ бэриниилээх буолуу. Суоттутааҕы 19 нүөмэрдээх профтех училищеҕэ бииргэ үлэлээбит коллегаларын, үөрэппит оҕолорун, алтыспыт дьонун ахтыылара.  

Бэһис түһүмэх. Алтыспыт дьонноро. Бу манна Амма оройуонун Иван Яковлевич Строд аатынан Абаҕа сопхоһуогар үлэлээбит кэмнэригэр алтыспыт дьонун ахтыыта.  

 
Бу кинигэ ааҕааччыларыгар Нафанаилов Гаврил Гаврильевич дьоһун олоҕун холобура, олоххо тардыһыыта, билиитин-көрүүтүн туһунан, мэлдьи умнуллубат сырдык өйдөбүлү хаалларыаҕа.