Smart-библиотека аҕам саастаах дьоҥҥо бэлэҕэ
Размер шрифта:
Цвета сайта:
Шрифт:
Изображения:
Интервал между буквами (Кернинг):
Интервал между строками (Интерлиньяж):
Кнопка действия
Статья
12.01.2024

Smart-библиотека аҕам саастаах дьоҥҥо бэлэҕэ[12+]

Просмотры: 737

Бу ааспыт 2023 дьыл ыам ыйыгар 83 саастаах саахымат оонньуутугар I-гы спортивнай разрядтаах Матрена Семеновна Игнатьева дьону таптыыр дьарыгар үөрэтиэх баҕалааҕын, библиотека үлэһитигэр Кюннэй Николаевна Борисоваҕа этэн, түргэн-үлүгэрдик биллэрии таһааран 10-ча буолан библиотека ыраас, сылаас, сырдык уораҕайыгар мустан үөрэнэн барбыппыт. Сорох уруккуттан оонньуур, сорох саахымат фигураларын хаамыытын эрэ билэр, сорох ол фигуралары тутан да көрбөтөх дьон этибит.

Матрена Семеновна биһиэхэ саахымат оонньуутун биирдии ыйдаах 2 кууруһу босхо ыытта. Ону таһынан, биһиэхэ чөл уһун олох (активное долголетие) тыыннаах холобурун көрдөрдө. Сэтинньиттэн бэйэбит тэриллэн библиотекаҕа нэдиэлэҕэ биирдэ мустан 2 ый дьарыктанныбыт. Уһуйааччыбыт билигин да кэлэн сүбэ- ама биэрэр, оонньуу ымпыктарын салҕыы арыйар.

Бу үөрэхпит түмүгүнэн, биһиги бэйэ-бэйэбитин кытта саахыматтыыр, саахымат кинигэтин ааҕар, саахымат туһунан анал видеолары көрөр буоллубут. Саамай бастыҥнарбыт саахымат оонньуутун турнирдарыгар кытталлар. Ол курдук, Анна Николаевна Слепцова бэлиэр Дьокуускай куоракка ыытыллыбыт 2 турнирга ситиһиилээхтик кытынна.
Светлана Ивановна Слепцова төрөөбүт Орто Халыматыгар оройуон турнирыгар куруутун кыттан бириистээх миэстэҕэ тиксэр, бэйэтэ кыра саастаах оҕолору саахымат оонньуутугар угуйар.

Биһигини саахымакка үөрэппит үтүө санаалаах Матрена Семеновнаҕа, киһи өй оонньуутунан дьарыктанарыгар, астык усулуобуйатын тэрийбит библиотека өрүү мичилийэ сылдьар эдэр үлэһиттэригэр махталбыт улахан. Эһиэхэ барыгытыгар санаабыккыт сатанан, туппуккут тупсан иһэригэр баҕарабыт.
Саахымат дьарыга бэлэхтээбит саҥа доҕотторбор, ылбыт дьарыккытын ыһыктыбакка, уһун чөл олоҕу олороргутугар баҕарабын!

Smart-библиотека аҕам саастаах саахыматчыттарын аатыттан Л. Федорова.


Статью подготовил(-а): Борисова К.Н.

Смотрите также