Улуу Кыайыы үбүлүөйдээх сылыгар анаммыт «Военные строки. До востребования» бырайыакпыт Саха театрын артыыстарын кытта ситимнээхтик салҕанан барар.
Бу сырыыга ытык Таатта сириттэн төрүттээх, поэт, тылбаасчыт, Аҕа Дойду Улуу сэриитин кыттыылааҕа Макар Иванович Кузьмин - Макар Хара "Айхаллан, албан аат куората" поэматыттан быһа тардыыны таһаарабыт. Ол курдук, Макар Хара айымньытыгар оччотооҕу ыччат Ийэ дойду иһин охсуһуута, күүрүүтэ, өйө-санаата, сарсыҥҥыга эрэлэ түмүллэн дьүһүннэнэн көстөр.
Айымньыны ааҕааччыга ис дууһатыттан итэҕэтиилээхтик тириэртэ – Саха Өрөспүүбүлүкэтин народнай артыыската, Былатыан Ойуунускай аатынан СӨ судаарыстыбаннай бириэмийэтин лауреата, Саха театрын артыыската – Зоя Петровна Багынанова.
