Кулун тутар 27 күнүгэр Н.Д. Неустроев аатынан Дьокуускай куорат киин библиотекатыгар Модун Арассыыйабытыгар норуоттар сомоҕолоһууларын, тапталлаах Өрөспүүбүлүкэбитигэр Култуура сылларынан, сандал сааһы көрсө Дьокуускай куораттааҕы үһүс оскуола «Сыдьаайа» ансамбль толоруутугар ырыа-тойук аргыстаах, үҥкүү-битии доҕордоох «Эдэр саас ырыалара» кэнсиэр олус үөрүүлээхтик, долгутуулаахтык ааста.
Бу күн 70-80-с сс. устудьуоннара, БАМ тутуутугар үлэлээбит ыччат, комсомол үөрүүлээх кэмнэрин атаарбыт дьон, куруутун «Бэлэм сылдьар» пионер оҕолор мустубуттара. «Сыдьаайа» ансамбль ытык мааны ырыаһыттара мустан «По долинам и по взгорьям», «Песня о тревожной молодости», «Аан дойду ыччатын сурэҕэ», «БАМы тутааччылар ырыалара», «До5ордоhуу ырыата», «Сааскы вальс», «Эйэ ырыата» уо.д.а. бииртэн биир ырыалары бэлэхтээтилэр. Ансамбль салайааччыта Саха Республикатын культуратын туйгуна, библиотека бэриниилээх ааҕааччыта Степанова Светлана Константиновна.
Кэнсиэр биир уратыта - ырыа тыла улахан экраҥҥа көстөр буолан, көрөөччүлэр бары ыллаһа олордулар. Хас биирдии ырыа дириҥ ис хоһооннооҕо: төрөөбүт дойдуга таптал, бэйэ-бэйэҕэ ытыктабыл, үлэҕэ, үөрэххэ, доҕор киһиэхэ бэриниилээх буолуу, истиҥ сыһыаны харыстааһын, эйэлээх олоҕу туойуу.
Үһүс оскуола иһинэн үлэлиир фитнес-студия кытааччылара араас хамсаныыларын көрдөрөн, үҥкүүлэтэн дэлби сэргэхситтилэр. Аҕа саастаах ааҕааччыларбыт, кыттааччыларбыт даҕаны олус астыннылар.
Маннык хабааннаах тэрээһиннэр көлүөнэнэни сомоҕолуур, бииргэ үлэлэһэргэ, алтыһарга үөрэтэр. Эдэрдии-эрчимнээх санаалаах, сырдыгынынан сыдьаайар, аҕа көлүөнэ куруутун ыччакка холобур буолар.
