Сувенир оҥоһуута биэс араас үлэни толорууттан турар:
1. Сылгы сиэлин сэлээн, сууйан, куурдан баран, тыытыы диэнтэн саҕаланар. Уһун – кылгас сиэллэри наардаан, биир тэҥ уһуннаах сиэли талабыт.
2. Үс устуука соҕотуопканы оҥоробут. Кыра тутум сиэли ПВА килиэйинэн хойуутук биһэбит уонна сабынан баайабыт. Килиэйэ куурбутун кэннэ үрдүн сытыы быһаҕынан быһабыт.
3. Күрэҥ дьүһүннээх тириинэн соҕотуопакалары бүрүйэбит, ыйанар гына быалаах гынабыт. Атын өҥнөөх тириинэн сарбынньах оҥоробут. Килиэйэ кууруор диэри сабынан кэлгийэбит.
4. Соҕотуопкаларбытын иилэрбитигэр халыҥ тирииттэн кыра кычым оҥоробут. Араастаан киэргэтэбит, оһуордуубут.
5. Кычыммытыгар соҕотуопкаларбытын чараас сарыынан ыйыыр оҥорон килиэйдиибит.
Хос быһаарыылар:
- Маннык сувениры дьиэ ааныгар куһаҕан тыын киирбэтин диэн ыйыыллар.
- Дьиэ олохтоохторун харыстыыр сыалтан көстөр сиргэ истиэнэҕэ ииллэххэ бэрт кыраһыабай дьиэ киэргэлэ буолар.
- Билиҥҥи кэмҥэ массыынаҕа маҕан кыллаах сувениры харысхал быһыытынан туһаналлар.
Кылтан уонна сиэлтэн оҥоһуктар былыр – былыргаттан саха олоҕор олус наадалаах күннэтэ туттуллар маллар быһыыларынан билэллэрэ.
Дьахтар аймах кыра да сыыһы таах хаалларбат, барытын туһаҕа таһаарар.
Өбүгэгэлэрбит ситимин быспакка, кини мындыр өйүн иккистээн тиллиннэрэн төрүт дьарык гынан, сылгы сиэлиттэн, кылыттан бэйэбитигэр туһалаах, наадалаах оҥоһуктары оҥостуохха.