Саха литературатын төрүттээччилэриттэн саамай эдэрдэрэ, комедиограф суруйааччы Николай Денисович Неустроев төрөөбүт күнүгэр аналлаах Дьокуускай куорат Национальнай гимназия «Айыы Кыһатын» 9-с кылааһын үөрэнээччилэригэр «Төрөөбүт сирбэр, тапталлаах дьоммор» оонньуу-уруок (интегрированный урок) ыытылынна.
Уруок саха суруйааччыларын олохторун, айар үлэлэрин сырдатар, айымньыларын билиһиннэрэр, толкуйдуур, суоттуур дьоҕурдарын сайыннарар, бэйэ санаатын этэ, хамаанданан тэҥҥэ үлэлииргэ үөрэтэр сыаллаах.
Оонньуу-уруок үс түһүмэхтэн турар:
Бастакы түһүмэх. Николай Денисович олоҕо уонна айар үлэтэ сырдатыллар. Хас биирдии хамаандаҕа бэлэм эппиэттэрдээх холбуйа баар. Ол холбуйаттан сөптөөх эппиэти буукубалар көмөлөрүнэн таһаара оонньууллар.
Нажмите для увеличенияИккис түһүмэх. Суруйааччы ханнык сылларга, кэмнэргэ ситиһиилээхтик үлэлээбитин туһунан. Бу түһүмэххэ математическай, логическай сорудахтар бэрилиннилэр. Оҕо түргэнник толкуйдуур, суоттуур дьоҕурун көрдөрөр, сайыннарар сыаллаах.
Нажмите для увеличенияҮһүс түһүмэх.Суруйааччы хоһооннорун, айымньыларын дорҕоонноохтук ааҕыы күрэҕэ. Хамаандаттан биирдии киһи тахсан айымньылары талар уонна бары бииргэ ырытыһан, санааларын этэллэр.
Нажмите для увеличенияОҕолор бары олус көхтөөхтүк кытыннылар. Николай Денисович саха литературатыгар поэзияҕа, прозаҕа, драмаҕа үлэлэспитин быһаардыбыт, саҥа сахалыы тыллары биллибит. Олус интэриэһинэй уруок буолла. Хас биирдии хамаанда көхтөөхтүк кытынна. Онон, оонньуу түмүгүнэн 1- гы хамаанда кыайыыны ситистэ.
Бу маннык уруокка оҕо тарбахтарынан, илиилэринэн тутан-хабан, суоттаан, толкуйдаан, хамаанданан бииргэ үлэлээн сөптөөх эппиэти таһаараллара ордук тиийимтиэ.
Нажмите для увеличения
